Við, Vinstri­heyf­ingin - grænt fram­boð í Hafn­ar­firði, leggjum áherslu á það í þessum kosn­ingum að á næsta kjör­tíma­bili verði stofnað ofbeld­is­varn­ar­ráð í Hafn­ar­firði. Með ofbeld­is­varn­ar­ráði er brugð­ist við útbreiddu kyn­bundnu ofbeldi sem virð­ist eiga sér stað alls staðar í okkar sam­fé­lagi. Hafn­ar­fjarð­ar­bær myndi þannig leggja sitt af mörkum til þess að upp­ræta kyn­bundið ofbeldi og þá marg­þættu kyn­bundnu mis­munun sem við­gengst í sam­fé­lag­inu.

#MeToo bylt­ingin hefur sýnt okkur svo ekki verður um villst að víða við­gengst kyn­bundið áreiti og ofbeldi og að því miður er enn langt í land með að upp­ræta það. Mjög brýnt er að bregð­ast við af fullri alvöru með skil­virkum hætti.

Öllum má vera ljóst að allt sam­fé­lagið þarf að taka ábyrgð á að breyta þeirri sam­fé­lags­gerð sem við búum í. Sveit­ar­fé­lagið á að taka for­ystu í þessum efnum og búa til vett­vang þar sem hægt er að vinna að þeim nauð­syn­legu þjóð­fé­lag­breyt­ingum sem kallað er eft­ir. Sveit­ar­fé­lag­inu ber að sporna gegn kyn­bundnu ofbeldi, klám­væð­ingu, man­sali og vændi og taka for­ystu í að vinna gegn skað­legum áhrifum staðalí­mynda t.d. með fræðslu í skólum og góðu for­dæmi. Bær­inn á líka að taka aukin þátt í rekstri þeirra félaga­sam­taka sem nú þegar vinna á þessum vett­vangi s.s. eins og Bjark­ar­hlíð, Dreka­slóð, Kvenna­at­hvarf og Stíga­mót. Íbúar Hafn­ar­fjarðar líkt og aðrir íbúar lands­ins leita aðstoðar hjá þessum sam­tök­um. Hafn­ar­fjörð­ur, sem þriðja stærsta sveit­ar­fé­lag lands­ins, á að sjálf­sögðu að aðstoða sína íbúa með því að taka þátt í rekstri slíkra úrræða og tryggja með því að slík úrræði standi þeim til boða. Fjár­fram­lög til slíkar sam­taka ætti að vera fastur liður í fjár­hags­á­ætlun hvers árs. Það er auk þess nauð­syn­legt fyrir slík úrræði að búa við öryggi og fyr­ir­sjá­an­leika í sínum rekstri til þess að geta þjón­u­stað umbjóð­endur sína sem best. Við leggjum einnig áherslu á að bær­inn taki mið af Ist­an­búl-­samn­ingnum (samn­ing Evr­ópu­ráðs­ins um for­varnir gegn ofbeldi gegn konum og heim­il­is­of­beldi) í starfi sínu.

Vinna þarf gegn kyn­bundnum launa­mun og stuðla að auknum jöfn­uði kynja þegar kemur að náms- og starfs­vali, aðgengi að fjár­magni og ákvarð­ana­töku. Það munum við t.d. gera með kynj­aðri fjár­hags­á­ætl­un­ar­gerð.

Við Vinstri Græn viljum einnig setja á stofn emb­ætti umboðs­manns Hafn­firð­inga að fyr­ir­mynd Umboðs­manns borg­ar­búa í Reykja­vík. Á síð­asta kjör­tíma­bili lögðum við fram til­lögu þess efnis sem ekki fékk fram­göngu í stjórn­ar­tíð meiri­hluta sjálf­stæð­is­manna og full­trúa Bjartrar fram­tíð­ar.

Umboðs­maður Hafn­firð­inga er sjálf­stætt emb­ætti sem bæj­ar­búar og fyr­ir­tæki geta leitað til um leið­bein­ingar í sam­skiptum við sveit­ar­fé­lagið og fengið upp­lýs­ingar um stjórn­kerfið og ráð­gjöf vegna ein­stakra mála.

Þannig myndum við styrkja tengsl milli bæj­ar­búa og stjórn­kerfis Hafn­ar­fjarðar og stuðla að auknu réttar­ör­yggi íbúa í tengslum við stjórn­sýslu­fram­kvæmd og þjón­ustu Hafn­ar­fjarð­ar­bæj­ar.

Hægt verður einnig að fá álit umboðs­manns ef íbúar eða fyr­ir­tæki eru ósátt við máls­með­ferð og ákvarð­ana­töku bæj­ar­ins í málum þeirra. Hlut­verk umboðs­manns Hafn­firð­inga væri að leið­beina um mögu­legar kæru­leiðir og leið­beina um mögu­leika og heim­ildir til að mál verði tekin til end­ur­skoð­un­ar. Hlut­verk umboðs­manns væri líka að útskýra og aðstoða við túlkun á efn­is­legu inni­haldi ákvarð­ana­töku Hafn­ar­fjarð­ar­bæjar og jafn­vel að bjóða sátta­miðlun í þeim til­vikum sem líkur eru á að ágrein­ing megi sætta með slíkri aðkomu. Umboðs­maður myndi líka rann­saka ein­stök mál og skila áliti um lög­mæti þeirra og gæti tekið mál til athug­unar að eigin frum­kvæði.

Jafn­framt væri mik­il­vægt að umboðs­maður Hafn­firð­inga gæti tekið á móti, rann­sakað og komið á fram­færi upp­lýs­ingum frá starfs­fólki, við­semj­endum bæj­ar­ins og öðrum um rétt­ar­brot, van­rækslu eða mis­tök eða óeðli­leg afskipti kjör­inna full­trúa af málum í stjórn­sýslu og/eða þjón­ustu Hafn­ar­fjarð­ar­bæj­ar.

Gerum betur í Hafn­ar­firði.

Höf­undar sitja í tveimur efstu sæt­u­m VG í Hafn­ar­firði.