„Til þess að svona breyt­ingar verði far­sælar fyrir sam­fé­lag þarf að ríkja sam­fé­lags­sátt. Hluti af sam­fé­lags­sátt­inni er að allir borg­ar­arnir skynji ábatann af því að ganga í gegnum þessar tækni­breyt­ing­ar.“

Þetta sagði Dr. Hug­inn Freyr Þor­steins­son, sér­fræð­ingur hjá Aton og for­maður starfs­hóps for­sæt­is­ráð­herra sem vann skýrslu um Ísland og fjórðu iðn­bylt­ing­una, í við­tali við Þórð Snæ Júl­í­us­son, rit­stjóra Kjarn­ans. Við­talið birt­ist í sjón­varps­þætt­inum 21 á Hring­braut í vik­unni.

Hægt er að sjá stiklu úr því hér að neð­an.

Það þurfi að ríkja sátt í sam­fé­lag­inu um þá þróun sem sé framund­an, þ.e. tækni­fram­þróun og aukin sjálf­virkni með fjórðu iðn­bylt­ing­unni, ann­ars geti hún leitt af sér mikil vanda­mál. Ef að fólk upp­lifir það þannig að það sé skilið eftir en sam­fé­lagið sem það býr í er allt orðið markað af þessum breyt­ing­um, þá verður ekki sátt um þessar breyt­ing­ar. Þess vegna þarf að huga sér­stak­lega að dreif­ingu gæð­anna.“

Huginn sagði að þegar fyrri iðn­bylt­ingar séu skoð­aðar og metnar sé áherslan oft á meiri hag­vöxt og fram­leiðni til að meta árang­ur. Það sé gott og blessað enda skili það ábata. En það þurfi líka að horfa til fleiri þátta, eins og jöfn­uð­ar. Fyr­ir­tæki þurfi áfram að fjár­festa í mannauði og nýsköpun þótt tæknin muni færa þeim ákveðin árangur í byrjun fjórðu iðn­bylt­ing­ar­inn­ar. Ef þau geri það ekki muni fyr­ir­tækin tapa for­skoti sínu. „ Þró­unin er svo hröð.“

Hug­inn sagði að hægt væri að læra af afleið­ingum þeirra breyt­inga sem orðið hafa til dæmis með síð­ustu iðn­bylt­ingu, þar sem fjöldi starfa úrelt­ist og ekki var tekið nægi­lega vel á sam­fé­lags­legum hlið­ar­verk­unum þess. Afleið­ingin sé til dæmis sú mikla óánægja með stjórn­mál sem birt­ist víða um heim í dag. „Það veikir lýð­ræðið og opna umræðu ef fólk upp­lifir að það sé skilið eft­ir.“